وان : ((((( قول يا رب )))))بقلم السيد دسوقي

قصيده عاميه بعنوان : ((((( قول يا رب ))))) ياللى إنظلمت فى دنيتك ولا لاقى جنبك أى حد عايش غريب فى وحدتك تصرخ من الظلم والغدر راحوا الحبايب وبقيت وحيد لا أخ .. ولا أم .. ولا أب اوعاك تميل .. عالغريب ولا تذل نفسك ... لحد إوعاك تقول أشكى لصديق لو حتى كنت بتعتبره أخ عمر ما حد ... هينفعك مهما شكيت ولا صرخت حاجه واحده بس يا جدع هيه اللى هتنجيك بجد ترفع إيديك ... للسما ترفع إيديك وتقول يا رب ...... قول يا رب ...... ................................. لو كل الناس إتخلت عنك ولقيت نفسك فى الدنيا لوحدك وديابه لقيتها بتنهش لحمك لو ضاقت الدنيا قدام منك وإتقفلت الأبواب فى وشك قول بس يا رب تلاقيه جنبك لو كل الناس إتخلت عنك ................................... كل شيء قدر مكتوب وإوعاك تيأس يا مظلوم حتى لو ظلمك .. كبير ولا فاق ... كل الحدود اللى خلقك مش ناسيك رب العباد دايمآ موجود إصبر ... وخلى قدوتك فى الصبر سيدنا أيوب دا كل شيء قدر مكتوب ................................. إصبر يا صاحبى على بلوتك إصبر على الظلم .. والغدر ولو الشوك .. ملا سكتك والظلم فاق ..... كل حد إوعاك تسيب رب العباد وتشكى حالك كدا للعبد عمر ما حد ... هيسمعك مهما شكيت ولا صرخت حاجه واحده بس يا جدع هيه اللى هتنجيك .. بجد ترفع إيديك ..... للسما ترفع إيديك وتقول يا رب ...... قول يا رب ...... .................................. كلمات / ربيع السيد دسوقي إسم الشهره / ربيع الغريب //////////////////////////

***********************

***********************