مجرد ضحكه ..... احمد طلبه

مجرد ضحكه
==========
مجرد ضحكه برسمها
علي شفايفي
وانا مليانه فيا جراح

مجرد ضحكه بس
ياريت ياناس تشفي
وجع واحده ولا بترتاح

لا بتكلم وبتألم وبكتم
حزني جوايا
لكن برسم وانا بوهم
في روحي بألف ضحكايا

مجرد صوره في مرايا
ومكسور ليها ألف جناح
مجرد ضحكه برسمها
لكن والله مش برتاح
🔻🔻🔻🔻🔻🔻🔻🔻🔻
أنا عايشه الحياه راضيه
 بحالي وربنا يعلم

في وقت الحزن انا هاديه
وجوه في روحي بتألم

وبرسم بسمه بملمحي
عشان مايبانش يوم جرحي
لكن روحي تقولي اصحي
تعبت ولازم أتكلم

وانا برفض بإني أبوح
واداري السر جوايا
عشان والله مش مسموح
تعبت بجد وكفايا

مجرد صوره في مرايا
ومكسور ليها ألف جناح
مجرد ضحكه برسمها
لكن والله مش برتاح
===============
احمد طلبه

***********************

***********************