أم الشهيد (شعر غنائى)
حبيبى حبيبى حبيبى
ولدىً ولدىً ولدىً
قتلوك ياولدى وما رحمونيش
ومن بعدك أزى راح أعيش
وبنتظرك وأنت مابتجيش
وكلامك ياولدى ماريحنيش
يوم سفرك ماطمنيش
حبيبى حبيبى حبيبى
وعدتنى هتشيل همى
وتسترنى وتشيل حملىً
وتكون سندى وكمان ضلىٍ
ومُت من غير ما تقولى
حبيبىً حبيبىً حبيبىً
ولدىً ولدىً ولدىً
زمايلك جم وخدونى
وعلى نعشك شاورولى
والدمع مغطى لعيونى
وأضم هدومك لجفونى
وأنا بلملم لهدومى
حبيبىً حبيبىً حبيبىً
تعالى زورنى لو مره
ياولدى عيشتى بقت مُره
وبابنا صامت بالمره
قتلوك ياولدى على غٍرهْ
حبيبىً حبيبىً حبيبىً
بقلم كابتن سعيد الحاجه
***********************
***********************
ليست هناك تعليقات:
إرسال تعليق