أسامه جديانه

صياد وبارع ف النشان
غاوى صيد الحمام
لو طاير يمين وشمال
لابد تصيبوا السهام
صاب الطير جناحاته
وجرحه غائر ودام
وعيونه بتنزف دموع
والدمعه بتقول كلام
لمحت رساله ف أقدامه
أتاريها رسالة غرام
مكتوبه بلون الشفايف
للى غيابوا طال
جندى ع الجبهه واقف
بيحارب أهل الضلال
وعيونه جفاها النوم
هو وأخوانه الأبطال
فى الرساله مليون تحيه
ياللا حارب الأندال
اللى بيخونوا بلادهم
بكره نحقق الآمال
بإيديكم النصره جيه
ونغنيلكم بالموال
ونغنيلكم أحلى غنوه
ويعود بينا الوصال
حطم السهم حلمهم
وأنقطع بينهم الإتصال
صاب الندم قلبى
ودمع العيون قتال
من يومها كرهت الصيد
حتى فى قصص الخيال
                       ( أسامه جديانه)

***********************

***********************