غلاك بين قوسين:
شبيه وقوفك بين جدارين ماله مثيل
الحشا والأضلاع حبسك بين قوسين
وش تريد وصف بعد وتطلب الدليل
كل نبضة من القلب لك ورمش العين
منك مصدق هالكلام وتعال خذ تحليل
الدم دمك يسري بشرياني وعلي دين
يسرح خيالي وصوب ديرتك يميل
ويهيج بالحشا والقلب شوق وحنين
انت بلسم الجروح والهم عني يشيل
ماغيرك يعرف وضع الحال والوتين
شبه اللي بالصفا والمروة مجي ورحيل
لين زمت الماي بايدها ومالها من معين
الله هو من توصى بها وصار سبيل
لكل خلقه وعبادة بحج يكمل الدين
أريدك تحس بالمعنى وخوفك تزيل
عهد مني يطمن قلبك وخله يستكين
جيتك هالساعة ولاعندي غيرك بديل
يونس ليلي وسهري والله هو المعين
غيمات جوي بيضا ولها وقت طويل
محملة مزون غرام هطلها بات الحين
خلص الوصف عندي وأدري بيه قليل
كل يوم لك قصيد يدوم أعوام وسنين
@عزالدين الحميري@
***********************
***********************
ليست هناك تعليقات:
إرسال تعليق