شــــدّى حيـــــــــلك يابهيــــه...بقلم/ قيصر الكلمات هانى سرور

(شــــدّى حيـــــــــلك يابهيــــه)
..........................................
شدّى حيلك يابهيه
شدّى من عزم الولاد
عدّى بينا السكه ديه
سكه فيها الهم زاد
لملمى كل الجرايح
وافتلى حبل الوداد
بكرة ليل الحزن رايح
اقلعى توب السواد
بكره مولود فجر نادى
فجر مولود بالعناد
يطلع النهار ...ينادى
مشتاقين طال البعاد
شدّى حيلك يابهيه
شدّى من عزم الولاد

مدّى إيدك للى .منك
مدّى فى خطاكى عليه
قَاتلّهُ شوق البعُدعنك
مدّى إيدك...وإنجديه
طال ياشيخه البعُد بينكم
قرّبى السكة....... شويه
غربة غاوية الفرقة بينكم
والسنين قاسيه وقويه
وإنتى لسه شجرة طارحه
شابه شالك من حرير
توب ومغزول كله فرحه
يااميرة ابنك..... امير
شدّى حيلك مدّى ايدك
بكره جاى وهيبقى عيدك
وابنك الفارس وحارس
والأمل نبضه فى وريدك
............
بقلم/ قيصر الكلمات هانى سرور

***********************

***********************