ياما عدى عليكى يا بلد ارهاب وصراعات....
وشوية مهاترات ..
انما انتى صامده وقويه ومعديه ..
شفتى من الوشوش الضاله اشكال والوان.
انما ترابك زى ماهو مروى بدماء الشهدا الاشاوس الابطال ...
دخل عليكى الخاين والفاسد وحاولوا بكل قوتهم ينخروا فى عضمك انما انتى واقفه وابيه ودايما بهيه ..
حاولوا اكتر كمان وكمان ...
هنزيد عناد واصرار على التحدى والعبور لبر الامان...
سلاحنا ايماننا بربنا ووعده لمصرنا تبقى دايما سلام وامان ...
وسلاحنا ولادنا وجيشنا.. وقوتنا الايد الواحده والعصبه والايمان...
رسالتى لكل مصري ومصريه حبوا بهية دى وطن ليكم وسكن ومفيش منها فى اى زمان ..
مصر مهما عملت فينا هى الحضن والدفا مش مجرد اسم والسلام...
دى اللى علمت الاجيال معنى الشرف والرجوله والهمة والنضال ..
اسطوره وحضاره ومجد وعماار يابلد... فيكى الولاد السمر بنوا الاهرام...
دا وقتك يا بلدى ارسمى الطريق لباقى الاوطان ...يابلدى انتى المحوريه وانتى رمانة الميزان.......
***********************
***********************
ليست هناك تعليقات:
إرسال تعليق