حلم حلو كان يجيني
دايما بيتكرر يوماتي
كنت بحلم ببنت حلوة
اخترتها تكون فتاتي
واعتبرته انه حقيقة
وانها شريكة حياتي
واكتفيت بس بيها
اصلي طبعي مش فلاتي
ولما صحيت الصبح بدري
فجأة خرجت عن سكاتي
قعدت احكي للجلوس
عن مجمل انجازاتي
هي كانت بنت طايشة
بالظبط زي حالاتي
كانت عايزة شاب واو
ورافضة مجتمعي وعاداتي
الحلم فجأة صار كابوس
لما جات سيرة حماتي
مهر وشبكة وكوم فلوس
وانا ماحيلتي غير قيراطي
ورثه ابويا عن جدوده
فجإة صبح الحلم وهم
وخرج خلاص عن حدوده
وقلبي العاشق ضربه سهم
واللي راح مين يعوده
✏️ ... محمد خضاري
***********************
***********************
ليست هناك تعليقات:
إرسال تعليق