ياقلبي .... الشاعر ماهر محمود

.يا قلبي.
يا قلبي ايه اللي نابك.
ليه اخترت تعيش في عذابك.
طرح الورد جناين شوك.
بعد ما سهم الحب صابك...
يا قلبي.
قالوا دنيا الحب جميله....
جنه ونار وشوق وحيره....
قالوا ليالي البعد طويله....
فيها الليله بألف ليله........
مالنا ومال الحب ياقلبي...
هو العمر فيه كام ليله....
ياقلبي.....
نفسك ترجع زي زمان....
لانار شوق ولا ليل حرمان...
لو العمر بيرجع تاني.....
كنت رجعت زي ماكان....
يا قلبي........
قولي مين ياهوى سلطانك.
مين اللي يقدر على عصيانك.
أصدرت الحب ليها بفرمانك..
وإجتاح القلب خلاص بركانك.
لو بإيدي أعلن عصيانك...
وأمنع قلبي عن فرمانك.......
ياقلبي إيه اللي نابك.
ليه اخترت تعيش في عذابك.
طرح الورد جناين شوك...
بعد ما سهم الحب صابك.
يا قلبي. اغنيه.  كلمات.
الشاعر.  ماهر محمود.

***********************

***********************