////++++ وحنا ف السوق ++++////
وحنا ف السوق كيف العادة
شوقوا جالب لفقرة والسادة
محمولين في شوق عبير الدخان
والخاطر مرتاح في لمكان
دخان شوة يسلب لعقول
كل مافي السوق مقبول ومقبول
والبراد سلطان سينية
والكيسان سالبة عينية
كل واحد فينا فيه ناظر
وجلسنا مع للي كان حاضر
دير معاك طماطم والبصلة
وشوي الكبدة راها ف السلة
لما وجد ماقسم ربي
وطفينا الجوع داك لمخبي
اغسلنا يدينا ونسينا
خلصنا الشواي ومشينا
وضربنا موعد لسوق جاي
ودعناهم على نغمة الناي
ماحلى سوق زمان وغراسو
ياحبيبي لقيتي سر ناسو
كلمات صقر الحروف الزجال بوسبولة المحجوب
***********************
***********************
ليست هناك تعليقات:
إرسال تعليق