خيال للضل
...................
مفتتح ...
الطفل العايش جوايا
رافض احساس الخوف
رافض تتكعبل احلامه
في حواري الشوف
رافض دوامة التوهه
وحكاوي ميت مره قالوها
انا بعدك أحلامي خدوها
وحياتى ماشيه ف سرداب
........................
ويتجمد كل شيئ فيّا
واشوف الصبح ف عنيه
نهار دبلان
طارحه شمسته احزان
تفتشني وانا سرحان
تاخدني هناك
ما بين الدقه والدقه
بتشهق شهقتي شاهقه
تعاتبني حروف الصمت
ع النسيان
ولمّا الوجع يكبر
يزيد الخوف
وترسمنى خيوط الشمس
ع المكشوف
واخاف اسرح لتنساني
تشد الفرحه من تاني
وترسمنى علي الهامش
خيال للضل
سيد منير عطيه
عضو اتحاد كتاب مصر
...................
مفتتح ...
الطفل العايش جوايا
رافض احساس الخوف
رافض تتكعبل احلامه
في حواري الشوف
رافض دوامة التوهه
وحكاوي ميت مره قالوها
انا بعدك أحلامي خدوها
وحياتى ماشيه ف سرداب
........................
ويتجمد كل شيئ فيّا
واشوف الصبح ف عنيه
نهار دبلان
طارحه شمسته احزان
تفتشني وانا سرحان
تاخدني هناك
ما بين الدقه والدقه
بتشهق شهقتي شاهقه
تعاتبني حروف الصمت
ع النسيان
ولمّا الوجع يكبر
يزيد الخوف
وترسمنى خيوط الشمس
ع المكشوف
واخاف اسرح لتنساني
تشد الفرحه من تاني
وترسمنى علي الهامش
خيال للضل
سيد منير عطيه
عضو اتحاد كتاب مصر
***********************
***********************
ليست هناك تعليقات:
إرسال تعليق