فينك ياصحن المش ..... الشاعر عبد العليم ابو عبده

فينك يا صحن المش
-------------------
كنت بتكفينا والعيال طقه
كنا عاملينك مؤونه
مش زى دلوفتى نفسنا
ف حاجه حادقه
واديك شايف الاسعار مجنونه
والناس محتاجه زقه
كنت مش حادق
لكن البال كان رايق
دلوقنى محتاجينك صدقه
واللى معاه
دلوقتى تاه
لارحمه ولا شفقه
بنتوحم عليك والجيب مخروم
ياريتك فضلت وكانلك النهارده لزوم
البطن خاليه
والعجين ف الشاليه
يسلام عليك مع بتاو بحلبه
وقرن شطه اخضر
وتكون معصفر
اهو تفوتلنا طقه
بدل الكرشه والرجول
وندعه واتر فول
عشان نغمس بنملاهم دقه
والعيل بيريل
والهم مكيل
واه لو عمل ودن قطه
ولهط الغموس على لقمه
الفلب بيتملا حرقه
فينك يا صحن المش
ف زمن الغش
تكفى م العيال اورطه
----------
الشاعر \\ عبد العليم ابو عبده
كلماتى ومسجله باسمى

***********************

***********************