نبضي وحالي:
طريق رسمته لأجل يوصلك هلالك
ورد شوق ومايه من نبض شرياني
عرق الغلا يابس ويطلب ماي زلالك
يتخضر من تهل علي والورق رياني
ياشبيه القمر من تهل علي وشالك
يرفرف صوب المبسم والحلى رباني
عبدت لك سكة لين توصل وصالك
محطة بالحشا والقلب لك ومكاني
راح أفرد في كلامي وصف خصالك
لأجل تعرف غلاك ولايشاركك ثاني
ياريم يرتع بمدهال قلبي وحلالك
طوبته لك وصار يعزف أجمل ألحانِ
صبيت وسكبت أبيات تمر من خلالك
يشهد الله من داخلي غلاها ووجداني
لاتظن أكتب لشهرة وجزاف ولبالك
أنت اللي تمد احساسي ويظل بجريانِ
نهر الشوق والحنين يمتد لصحرا رمالك
شبيه اللي بصحرا تايه وجفاك ضناني
حاولت في كل قصيد أطرد من بالك
سقم ونحول جسمي وهلوسة هذياني
ماقدر حالي وبالي يغرد خارج مجالك
عليك تشوف وتسأل قلبك اللي صباني
روح وروح كتبها ولحنها نبضي لحالك
لأجل تسمعها ولاتكون علي جاني
ياورد وفل ووعبقها فاح من ظلالك
تلعثم لساني والحيرة والتعب سباني
@عزالدين الحميري@ِ
***********************
***********************
ليست هناك تعليقات:
إرسال تعليق