وصبابتي لحروفه ,رجوت الكلمات أن تسير
بين الغيمات
تدغدغها بعطرها
..... ومن الجوى والهوى تقترب لقمرها
,تخبره بأجمل قصائدها
...سطر بالعامية فأدهش القراء
غرد بلهجته الابداعيةفشد الأنظار
نرحب.. أو.. هو من يرحب بنا
هو من يحضننا يغدق علينا عطاءاته
سيد البيت
سيد الحروف العامية
منير السهرات
عضو اتحاد الشعراء سيد منير عطيه
٢٣ اكتوبر ٢٠١٧
☆كمين الموت☆
.............. بحبك أه
وأه منِّك
وأه يا حبيبتي من حبِّك
ومن قربك
ومن بعدك
ومن حرّك
ومن بردك
ومن حضنك
ومن صدّك
بيحييني ويقتلني
ويبنيني ويهدمني
يفوّقني ويسكرني
وانا العايش عشان اسكر
أعيش بيكي ساعات ف اليوم
واموت منِّك ساعات اكتر
ولمّا الطعم يتمرر
أحب السهره ع الكورنيش
وحلقة ذِكر ف الأزهر
واحب روايح الجنّه
ف عطر بخورك العنبر
ف ليه قلبِك بيستخسر
يحن عليّا بالكلمه ؟
د انا باحلف على النعمه
ما قلبي ف يوم عشق غيرك
ولو جوّاكي لغز الكون
ف قلبي ح يبقى تفسيرك
م انا حلمِك وتأويلِك
وانا المطروح بطول نيلِك
وعرقي ف الغيطان يروي
سنابل قمحك الدهبي
ونخل الدوم
وشجر التين
ويروي الخُضره ع الجنبين
ف ليه حسباني م الملاعين
وحرماني أدوق خيرِك ؟
د انا نسر السما طيرك
وانا أسد الميدان إبنك
وانا اللي دفعتلك مهرك
وانا وقت الأدان الصوت
وانا المرمي ف كمين الموت
عشان احميكي م الضلمه
وم العتمه
وم الخفافيش
ف ليه راشقه الجراح فيّا
ونازعه من جناحي الريش ؟
وليه رمياني برّه الباب
وانا اللي ف حبِّك الدرويش ؟
وليه بتسيبي غيري يعيش
على دمّي
على لحمي
على عضمي
ولمّا دموعي تتسرسب
تشوفي دموعي تبتسمي !!
د انا رغم العذاب عايش
واقول رغم الوجع ..
أمّي
وباحمد ربّي ع النعمه
وإنتي بدمّي تتحمّي
أفتّح عيني واحميكي
تجيبي قماشه وتغمّي
أموت وتدوسي ما تسمّي
على لحمي اللي متوزّع
على الأسفلت والرمله
بدون قوّه
بدون حولا
كأنِّك داخله ف مقاوله
وانا الجسم اللي متبعتر
وانا الصوت
اللي من غير صوت
وانا الضحكه اللي مدبوحه
وانا الصرخه اللي ف الملكوت
بتسأل إيه جنيته عشان
أكون ف غرامك الهيمان
واكون قربان ..
كمين الموت
سيد منيرعطيه
من ديوان (دقي يا مزيكا)
💥 أنتظر منك أجمل تعليق بكلام الأستاذ يليق 💥 ولك مني الشكر والتكريم بآخر تعليق.........
تدغدغها بعطرها
..... ومن الجوى والهوى تقترب لقمرها
,تخبره بأجمل قصائدها
...سطر بالعامية فأدهش القراء
غرد بلهجته الابداعيةفشد الأنظار
نرحب.. أو.. هو من يرحب بنا
هو من يحضننا يغدق علينا عطاءاته
سيد البيت
سيد الحروف العامية
منير السهرات
عضو اتحاد الشعراء سيد منير عطيه
٢٣ اكتوبر ٢٠١٧
☆كمين الموت☆
.............. بحبك أه
وأه منِّك
وأه يا حبيبتي من حبِّك
ومن قربك
ومن بعدك
ومن حرّك
ومن بردك
ومن حضنك
ومن صدّك
بيحييني ويقتلني
ويبنيني ويهدمني
يفوّقني ويسكرني
وانا العايش عشان اسكر
أعيش بيكي ساعات ف اليوم
واموت منِّك ساعات اكتر
ولمّا الطعم يتمرر
أحب السهره ع الكورنيش
وحلقة ذِكر ف الأزهر
واحب روايح الجنّه
ف عطر بخورك العنبر
ف ليه قلبِك بيستخسر
يحن عليّا بالكلمه ؟
د انا باحلف على النعمه
ما قلبي ف يوم عشق غيرك
ولو جوّاكي لغز الكون
ف قلبي ح يبقى تفسيرك
م انا حلمِك وتأويلِك
وانا المطروح بطول نيلِك
وعرقي ف الغيطان يروي
سنابل قمحك الدهبي
ونخل الدوم
وشجر التين
ويروي الخُضره ع الجنبين
ف ليه حسباني م الملاعين
وحرماني أدوق خيرِك ؟
د انا نسر السما طيرك
وانا أسد الميدان إبنك
وانا اللي دفعتلك مهرك
وانا وقت الأدان الصوت
وانا المرمي ف كمين الموت
عشان احميكي م الضلمه
وم العتمه
وم الخفافيش
ف ليه راشقه الجراح فيّا
ونازعه من جناحي الريش ؟
وليه رمياني برّه الباب
وانا اللي ف حبِّك الدرويش ؟
وليه بتسيبي غيري يعيش
على دمّي
على لحمي
على عضمي
ولمّا دموعي تتسرسب
تشوفي دموعي تبتسمي !!
د انا رغم العذاب عايش
واقول رغم الوجع ..
أمّي
وباحمد ربّي ع النعمه
وإنتي بدمّي تتحمّي
أفتّح عيني واحميكي
تجيبي قماشه وتغمّي
أموت وتدوسي ما تسمّي
على لحمي اللي متوزّع
على الأسفلت والرمله
بدون قوّه
بدون حولا
كأنِّك داخله ف مقاوله
وانا الجسم اللي متبعتر
وانا الصوت
اللي من غير صوت
وانا الضحكه اللي مدبوحه
وانا الصرخه اللي ف الملكوت
بتسأل إيه جنيته عشان
أكون ف غرامك الهيمان
واكون قربان ..
كمين الموت
سيد منيرعطيه
من ديوان (دقي يا مزيكا)
💥 أنتظر منك أجمل تعليق بكلام الأستاذ يليق 💥 ولك مني الشكر والتكريم بآخر تعليق.........
***********************
***********************
ليست هناك تعليقات:
إرسال تعليق