طير طير ياطيار ...... وليد عويس

طير طير ياطيار
 احفظ بكرة ليل ونهار
قوة عزيمه ونشان نار

احفظ بكرة من الأعادي
 احفظ ارضي وارض ولادي
ارض أجدادك أرض احفادي
وخلي شعارك خيرو عمار

طير طير ياطيار
اوعي حد يجي عليها
وانت  عايش موجود فيها
واللي يفكر بس يفكر
نخلي بلدة تولع نار

إحنا عندنا في الجويه
رجاله عفيه وقويه
تحفظ ليلنا  قبل نهار

طياريين وميكانيكيه
عمل وعزيمه ويد قويه
تشوف رجاله مستعفيه
لاجل بلدهم تبقي عمار

طير طير ياطيار
 العلا المجد  يبقو شعارنا
واللي يفكر يوم يكسرنا
نقيمها عليه خراب ودمار

طير طير ياطيار
احنا العلا واحنا المجد
نهد ونكسر اتخن حد
قوة ايمان  عزيمه بجد

انتو زمان شوفتونا مرة
وممكن والله  نعيد الكرة

واللي يفكر يجي عليها
والل يمس رمله فيها
بلدة تبقي شعله نار

طير طير ياطيار
أنتو قيمتنا  انتو أمالنا
أحمو يومنا  احمو زمنا

وندعو ليكم ليلنا نهارنا
احفظ احفظ ياغفار
طير طير ياطيار
احنا جيشنا الل حامينا
حامي شرفنا وأرضينا
ولا حد يطمع فينا
وأحنا معانا نور عنينا
أحرص وأحفظ ياغفار

  بقلم ............
وليد عويس

***********************

***********************