‘‘‘مناجاه ‘‘‘ بقلم ‘‘‘‘ وائل مسلم ‘‘‘
يارب مليش غيرك
هيمان في حب النبي .. صلي الله عليه وسلم ..
واللي يقول يارب
يلقي الجمال في الرضا
ولما احس اني عبد فقير
وارضي بالقليل
ميهمنيش من قال وقيل
انا كده راضي بحالي
عمري ما ابص لغيري
ولا يشغل تفكيري
ان كان في خير لنفسه
وان كان فيه شر
عمره ما يشغل تفكيري
انا عبد مسكين
درويش في دنيا الغلابه والمساكين
وحبي لرب العالمين ورضاها عني
هو اللي يشغل تفكيري
انا مالي ومال الناس
اللي يعاملني كويس
يتشال فوق الراس
واللي بيتعامل بانزحه
بالاهمال ينداس
واللي معندوش احساس
ولا يعرف قيمه الناس
انشال من الحسابات
كانه طيف ومات
اما اللي يقدر الناس
لازم من خده ينباس
وفيه ناس كاره الناس
وكاره الوطن
طيب ايه اللي مزعلكم من الناس
وليه كارهين وطنكم
وماشين ورا فكر وسواس خناس
طيب بالذمه دي تبقي ناس
خلي افكاركم الغبيه في دماغكم
وليه ماشين مع جماعه ارهابيه
طبعا علشان قابضين
تحطوا راسكم في الطين
انا بحذركم الدرويش المسكين
فجاءه تلقوه اسد بيزار
وخارج من العرين
انا ابن مصر
واللي هيغلط في بلدي
او في جيش بلدي
خلي عيشته طين
***********************
***********************
ليست هناك تعليقات:
إرسال تعليق