الكلمة حياة ..... احمدالسعيدالفقي

الكلمة حياة
احمدالسعيدالفقى
وحياة اللى جمعنا
وفى رحابه بيسعنا
لأقول كلام له معنى
يعجب السامعين
وخلى اللى بيسمعنا
يقول
قول تانى ومتعنا
من كلامك
والله ماشبعنا
كلامك حلو وزين
كلامك بيخفف أوجاعنا
ويحيى الأمل فى قلوبنا
وبيدفعنا
نتحدى الظروف على طول
ونكون جاهزين
كلامك بلسم
بيداوى الجروح
ويرد فينا الروح
ويحسسنا إننا عايشين
ومكان ما تروح
معاك رايحين
يارب قدرنى
أكون أد القول
وأكون صادق
مع الناس على طول
واجعلنى
على الكلمة أمين
دا الكلمة حياة
وأمل ونجاة
تهدى اللى تاه
وتطمن الخايفين
واللى يخاف الله
مايخاف من اللايمين
وأنا شاعر
لسانى حصانى
وكلمتى سيف
تقلق منام الظالمين
لا أعرف كدب
ولا تزييف
وربنا والناس
عليا شاهدين
احمدالسعيدالفقى

***********************

***********************