أسامه جديانه

ليه بتوشوشنى
وعايزني ألبس ألف وش
وعايزني أضلل وأوالس
ولخاطرك أغش
أنا عندي ضمير
مش ممكن أبيعه عشان القرش
دا ضميرى بيأنبني
خلانى مبنامش
وعايزني أزود وأعطيلك
وعليه ترش
ف النار الراشي والمرتشي
ومعاهم الراش
ليه تظلمني وتعذبني
ع النار مقدرش
الحق مفيش أحسن منه
دنياك بتغش
بتزين ليك حب المال
ليها متسمعش
داحقوق الناس أدام ربك
مابتتغفرش
راح تتحاسب أنت لوحدك
على كل قرش
منين جالك وفين صرفته
متستهونش
لو ماشي عريان ف الدنيا
ولا عندك فرش
هتقابل ربك مطمن
أبيض الوش
لو تمشى جعان ف الدنيا
مش لازم الكرش
دى تقوى الله ف أعمالك
م بتتجزأش
                             ( أسامه جديانه)

***********************

***********************