أسامه جديانه

صابنى النعاس وقت السحر
رأيتك ياأمي فى منامي
نور وجهك كما البدر
كم دعيت تزوريني فى أحلامى
حسيت كأني ف ليلة القدر
من نورك زالت عني آلامي
سمعت صوتك قبل الفجر
بتدعي تزول همومي
وتوصيني أوفي الندر
بتعتبي عليا وتلومي
نسيتني ياعمر العمر
ليه ياابني ما بتزورني
وتدعيلي وأنا فى القبر
ياأمي الدنيا لاهياني
لكن عنك قلبي ما يقدر
الدنيا ياأمي ظلماني
بتسقيني ياأمي المر
ياريت ياأمي تضميني
محتاج تسقيني ياأمي الصبر
وصورتك فى قلبي وف عيني
عمر ماكان فى طبعي الهجر
ياما سقيتك من حنيني
ياريت تتحلى بالصبر
مسَمحاك يانن عيني
دعائي ليك بكشف الضر
دموع عينك بتكويني
قلبي معاك ياعمر العمر
صحيت وقتها من منامي
على صوت آذان الفجر
زيارتك ليا طمنتني
غسلتي همومي ف ألف نهر
ياريت ياأمي تزوريني
وتسقيني بإيدك الصبر
                       ( أسامه جديانه)

***********************

***********************