( أبونا )
.......................
صفنت بوجهه والمحت التجاعيد
حيرتني نظرته ورحت بيها بعيد
رجعني الزمن من جنا احنا صغار
وكبرنا وبعدنا لحظن ابونا نريد
مو هو الكسر ظهرة واديه بالنار
ابو كلب الجبير المايحب تمجيد
مو هو بمحنة يمسدنا الراس
مو هو الاخذنا العمر ايد بأيد !؟؟
مو جنه العصر نتمنى كعده وياه
نتأمل ضحكته وال كلامة نعيد ؟!!
مو هو الحرك عمره مثل شمعات
عام بعام بس حتى عمرنا يزيد
مو هو اليجيب من السما النجمات
والشمس بعباته يلفها بس نريد
مو هو الحدايق والورد والماي
مو هو النفس للرية والتوريد
مو هو الكرم والعزم والافعال
شبعنا بحنانة ولو ملانا يعيد
اي هو ابونا وماكو غيره انسان
حصل من آله الكون هالتأييد
ليش وبعد كل هذا الي صار وياه
مانذكر فضل صبره ونبوس الايد
يا بوية شحلات الكلمة من تنكال
يفز كلبي بذكرها فزته للتجويد
يا بيرغ ثكيل وهامة الهامات
يالطلتك علينا تكول طلة العيد
............................
سمير الشيخاني
6\6\2019
***********************
***********************
ليست هناك تعليقات:
إرسال تعليق