تعالى يا حبيبي...بقلم ياسر عياد

تعالى يا حبيبي
------------------
عدى هواك ..
وسألنى عليك

وأنا مش طايل حتى ..
أبص ف عنيك

هشوفك أمتى و فين ..
و إنت بعيد عن العين

على طول  مخاصمنى ..
و مزودها بدلعك حبتين  ..

      تعالى يا حبيبى ..

تعالى يا حبيبى وكفايه ..
مطولش  البعاد

العمر بيجرى بيسبقنا ..
وحبنا لسه ف بدايه الميلاد 

 لسه قدامنا مشوير ..
وطريق حبله طويل

تعالى نحارب المستحيل ..
ونخلي الحب جميل
         
 تعالى يا حبيبى ...

أنا محتاجلك أكتر من الأول ..
وشوقي أنتظارة مش زي الأول 

نروح مع بعض للميه .. 
و تسقيني حبه حبه  ..
بحنان وشوق الأحبه ..

ونحلم ياحب بنفسينا  ..
وشوقنا بيضلل علينا ..
وبينسينا اسامينا

تعالى ياحبيبي

فيه مين غيرك بحر ..
و شط أمان

حلم امبارح وبكره ..
بستناه بألي زمان ..

يغنيلي على شجرة ..
فرط الرمان

بأنغام تسحرني ..
بأشواق وحنان

بقلم ياسر عياد

***********************

***********************