تشكي ومين سمعك ....... عبده النجار

(تشكي ومين سمعك)

عيش وحدتك جواك
وانسي هموم غيرك
والدنيا لو سيعاك
برضه تسيع غيرك
تشكي ومين سمعك
وأنت الفرح دمعك
ومهما قولت الآه
والوحده يا ولداه
من قسمتك وحدك
والصوت فاضله صداك
تشكي ومين سمعك
واللي يواسيك حزنك
ساكن وجع في حشاك
والآه اساس دمك
عيش دنيتك إحزان
لو كونيتك انسان
اكتم وجع همك
والشكوي لو بتفيد
تشكي ومين سمعك
هاتعيش غريب يا غريب
من غير ماتلقي حبيب
يمسح آهات دمعك
والشكوي لو بتجيب
تشكي ومين سمعك
اكتم دموع جواك
وأحلملي حلم معاك
وانسي هموم وجعاك
وهمومي علي همك
ما انا أصلي شيء منك
لو هاشكي يوم وياك
هيزيد مرار دمك
عيش وحدتك دمعك
تشكي ومين سمعك
عيش وحدتك جواك
ماهي قسمتك وحدك
(عبده النجار).... 

***********************

***********************