رسايل مخفيه......... احمد طلبه

رسايل مخفيه
الرساله التاسعة عشر
==============
محبوبتي
بعد السلام
بعد المحبه والغرام

كل الحنين مليان وجع
لكن مايوصفهوش كلام

لا العمر بيا يوم رجع
ولا حتي طايلك في المنام

مانا بعد منك بتوجع
مانا بعد منك مش بنام

وحشتيني
ياسايبه الجرح جوايا بيقتلني
وشايل ليكي جوايا حاجات حلوه

ياسايبه الغربه تسرقني
وبتصبر مع الأوهام بكام غنوه

وبسأل نفسي جوايا
ومش لاقي إجابه بجد
ليه مش باقيه ويايا
ومش بشكي  همومي لحد

وبسأل روحي

بتوعدي ليه
أنا شارياك وبقايا معاك
لأخر عمري هبقالك

انا طول عمري هستناك
وحالي حبيبي من حالك

بتوعدي ليه
وأنتي غايبه عني خلاص
مافيش فايده
وايه هيفيد كدا الأخلاص
وجوايا نيران قايده

مافيش فايده

أنا المكتوب ومتقدر
علي جبينه يموت فيكي
وانا الحلم اللي متفسر
وعارف إني مش ليكي

لكن راضي بأحزاني
وقصه عشقي مخفيه
واديني كتبتلك تاني
رساله حب مخفيه

وحشتيني
ودي الكلمه اللي توصفني
وسر ف قلبي يكويني

ومين غيرك هينصفني
يا أغلي روح ظلمتيني

لكن هفضل أنا اقولها
يا أغلي الناس  وحشتيني
وحشتيني
===================
وحشتيني

ولا عمر الكلام يوصف
وجع قلب اللي ضاع حبه
ولا حد كمان يعرف
في يوم سره  دا غير ربه

وأنتي السر جوايا
وجوايا الوجع اكبر
ومش لاقي لدا نهايه
لواحده حبها بيكبر

أنا من وجعي بتصبر
مابين كلمه كتبهالك
رساله وبيها متأثر
ويمكن حاجه بقيالك

حاجات بنا أكيد حلوه
رساله وكلمه أو غنوه
يا مالكه القلب من جوه
ياقاسيه وروحي دعيالك

وحشتيني
يارب احفظها واحميها من الدنيا وأوجعها
يارب ارزقها واعطيها  من الفرح اللي هيسعها

علي قد الجراح ليا أنا مسامح
علي قد الوجع فيا انا مسامح
مانا عايش كدا لبكره
وروحي سايبها لمبارح

أنا هبقي علي الوعد ولو هتكوني يوم  نسياه
وأنا المقسومله يبقي  البعد
وتفضلي عايشه اه  جواه

انا المجنون وانا العاشق
وسلم أمره دا لله
واديني في غربتي عايش
وكل رساله ليكي حياه
وحشتيني
=====================
احمد طلبه

***********************

***********************