بسرى الصلاحى

تغيب عنى وتشغلنى
شوقى لك يزيد اكتر
طيفك يجى ويزورنى
على بعادك خلاص ما اقدر
يا ساكن جوه تفكيرى
انا والله مشتاقلك
ولو واخد على خاطرك
تعالى وقلبى يشرحلك
عيونى تملى تسالنى
ايدى نايمة بردانه
وحشنى حضنك الدافى
وسهر النجمة ويانا
صحيح قلبك خلاص طاوعك
قدرت بسرعة تنسانى
انا والله ما نسيتك
ولو ترجع هتلقانى
مكانك زى ما سبته
فى قلبى لسه متحكم
عيونى تملى حيرانه
ايديه لما بتسلم
تعالى ف حضنى دفينى
نعوض كل ما فاتنا
كلام الحب انا شايلة
هقوله انا وانت ف سكاتنا
شفايفى تملى  تسالنى
حضنى بيشتكى بعدك
جمال الحسن ف خدودك
فاضيه الدنيا من بعدك
يسرى الصلاحى

***********************

***********************