بكاش الفرحة بقلم الأديبة يسرى الصلاحى

بكاش الفرحة(يسرى الصلاحى)
----------------------------------------

اما كان القلب بِكْر
لسه ما اتفضش بكارته
قلب صافى بفته بيضا
البشر ما طالوش شجرته
لما كان العيد يأنس
والسعادة تزور حارتنا
العيدية فرحة حلوة
خبطوا على باب جارتنا
نركب الاحلام يوماتى
الفرح ساكن قلوبنا
حلمنا بكاش ياخدنا
يجرى ويسابق سكوتنا
تحت بيتنا لقيته واقف
العيال بالصوت تغنى
سبت حزنى ويا خوفى
خدت فرحى  جانب منى
لف بنا واحنا توهنا
والسعادة فى كل جانب
فرحة ساكنة فوق سطوحنا
شفنا  كل الناس حبايب
القلوب ترقص تغنى
واحنا راكبين حلمنا
لما صوت الضحكة جلجل
طلع الخوف مننا
كنا عاشقين السعادة
الهموم ما زارتش روحنا
البراءة صفحة اولى
والامل بلسم جروحنا
يسرى الصلاحى

***********************

***********************