ولا يسألون الناس. بقلم الأديب. حسن بعيلة

ولا يسألون الناس..))
.
العيد يعدى ع الجميع ويمر
وناس بتفرح ف العلن
وناس بتحزن سر
متقسمه الضحكات
تضحك بفرحه ساعات
تضحك كتير م المر....
.....
.
فقارى وساكنين حاره
واقصى املهم ستر الله
عايشين ف الخوص
و ف دنيا  لصوص
سارقينهم
و ارزاقهم  بالله
أحوج مايكون
عايشين بديون
والناس ف ظنون
شايفينهم اغنى عباد الله
.
.
لما الشتا يخبط على بابهم
مالهمش الا سقف بيت مشطور
واما النهار يطلع على سطوحهم
تكييف نهارهم يبقى ضله سور
ويقولوا دايما رضا
والحمد لله الذى
اعطانا من نعمه
يكفا ان انا مستور

.
الباب مقفول
ورا أيها باب مقفول حكايات
ولا كل الناس اغنيا جدا
ولا كل الناس مرتاحة بال
ف بيوت من طين وملوك عفه
غيرهم بيشيل مال بالقفه
مايشوفش وجعهم ولا جوعهم
تحسبهم ناس من كتر العزه
كمليونيرات
عايشين اليوم على لقمة عيش
مش فارقه طريه او جافه
بعزه نفسهم دايما
[[  لا يسألون الناس.....  ]]

***********************

***********************