ضمى الجسد همى
الدم ده دمى
ياارض ياصامدة
ماتحمليش همى
ماقدرش احارب انا
روحى بعيد
مش هنا بطلت اقول
كام سنة ونحررك يا قدس
سارى شراعى انكسر
وصقطت وسط الموج
حاولت أطوف بالصبر
وامسك فى أول فوج
ولقيتنى بين الابالسة
فى سجن مالو خروج
وف سقف سجنى
هناك شعاع مخفي
قيد م الحديد فى ايدية
والجبين مكفى
وصرخت جايلك
يا قدس جايلك انا أوفى
دين من سنين فى رقبتى
وايدية مش طايلة
وابنى اللى مات ماندفن
أشلاء وانا شايله
وطبعت قبلة على جتته
جتة بلا ملامح
وبذل قدمت شكرى
لسفيه وكان سامح
ابكى وابنى قطع
شايله على كفى
وناديت ياامة جهاد
قومى بقى خفى
دخل مابينا شيطان
يدبح وبيشفى
العضم تحت الحديد
واللحم حايكفى
دبحه لولادنا حلال
ويقدمه لينا
ناكل لحوم بعضنا
وسفيه بيفتينا
تمن الدبيح ملاليم
ماعدونا لقينا
مجتمعين كلنا
بينا زواج عرفى
ماهو ده اللى عايزه العدو
ماهو قوته فى ضعفى
مين قال عليه غلطان
مين مننا غضبان
مين اللى قال اليهود
أجساد بلا أذهان
احنا ساعدنا القرود
يتمشوا في الأوطان
دبابة خاصة ملوكى
ماشية بكل أمان
وكأنه راكب سزوكى
ومأمم الأركان
***********************
***********************
ليست هناك تعليقات:
إرسال تعليق