محمد. بقلم الأديب. أحمد طلبه

محمد

يا ساكن في القلوب إسمك

وإسمك للقلوب دا حياه

جمال الخلق في وصفك

ووصفك خير خلق الله

🔹🔹🔹
يامتعلم بإيد ربك

وعصمك وانت ماتعصاه

كفايا لساني لو ذكرك

عليك بتكون صلاه الله

🔹🔹🔹
شفيع الأمه في الغمه

ويوم الحشر إنت نجاه

راعيت بحماك أهل ذمه

وخلُق شريف يتيم ترعاه

🔹🔹🔹
ياسيدي حبيبي يا محمد

يانور والدنيا دي حباه

رسولي شافيعي يامحمد

يارب احشرني أنا  وياه

🔹🔹🔹

وحق اللي وهب روحي

محبه طه دون رؤياه

أبيع لمحبته روحي

وآكون في الجنه بس معاه

🔹🔹🔹

هموم الخلق لو ذادت

في الشده تكون فكراه

و نار الفتنة لو قاديت

نطفيها بنور  ذكراه

🔹🔹🔹

هموم الدنيا في الحاضر

بجد ياخلق دي عايزاه

هو اللي يكون قادر

يزيح هم البشر شايلاه

🔹🔹🔹
يامحمود في السما والأرض

ينجيني أكون بخطاه

رسول الله مابعدك حد

عليك صلاه وسلام الله
================
أحمد طلبه

***********************

***********************