حرف ورد للشاعرين | عونى هشام ومصطفى تيسير \ عزف الأقلام العربية

مصطفى تيسير انا اللي بجد محقوقلك حقوق السمع و الطاعه " طلعتي بجد طماعه " Awny Hesham انا اللى بجد مشتاق لك وعامل لك فروض طاعه لكنى عمرى ما اسمح لك اكون وياك فى شماعه مصطفى تيسير انا اللي بجد مش فاكر و مش عايز اكون وياك كفايه في الهوى بذاكر و تحرمني كمان رؤياك Awny Hesham بتنسانى على راحتك وانا هانسى كمان ذكراك مادام فى البعد مصلحتك شوف حد غيرى معاك مصطفى تيسير و ياما قلت هتجيني و تكتبلي و تحييني و انا في الحب بشتاقلك و انت تملي تكويني Awny Hesham انا صاين عهود ودك تاه فكرى وبالى فيك افتح باب اشوف صدك واجيلك برضه مش بلاقيك مصطفى تيسير انا اللي قلبي مفتوحلك تملي ليلاتي بيبوحلك يسيب الدنيا علشانك يبيع الكل و يروحلك Awny hesham لسانك غير كلام قلبك وياما شربت وانا ساكت تكلمنى عشان اقابلك اجيلك وانت مش ساكت مصطفى تيسير سكوت القلب كله كلام كفايه البعد بالايام انا اللي بجد محقوقلك اشوفك حتي في الاحلام Awny Hesham حلمك عندى يبقى كابوس ابوس ايدك كفايه عذاب طاوعتك وانت ماشى تدوس على قلبى وقفلت الباب مصطفى تيسير انا ما اقدرش افوت روحي دا انت دوايا لجروحي و لو طيفك زعل مني بقول للدنيا دي روحي Awny Hesham ياروحى قربى منى حبيبى خلاص مجننى سقيته الشهد جانى المر رضيت وبرضه راح عنى مصطفى تيسير يا روحي روحي و قوليله و هاتي منه مرسيله و قولي لقلبه يجاوبني يقولي ازاي اغنيله Awny Hesham تغنى عليا وتلحن وعزفك كان بعود الناى كأنه مران وبتسخن اصدق بس قول لى ازاى مصطفى تيسير تصدق قلبي و دموعي انا في الحب موضوعي و لا عمري خلفت وعود بجدد حبي اسبوعي Awny Hesham تجدد حبك عشان قشره وقلبى مشاعره م الاصلى بعت وهانت العشره وجى كمان طالب وصلى انسى مصطفى تيسير انا بطلب حبك و تسيبني و مُصر تملي تعذبني طب ليه م الاول حبيتك طب ليه وديتنى وبتجيبنى Awny Hesham تهجرنى وعايز امسك حبلك وحبال الهوى دايبه ف ايدك لا عايز اشوفك ولا اقابلك ولا حتى هشاركك يوم عيدك مصطفى تيسير العيد من غيرك مش عيد و لا يمكن يوم ابقي سعيد دا الدنيا في قربك بتغني و عشانك بلغي المواعيد Awny Hesham مواعيدك كلها على ايدى وكاتبها معايا فى الدفتر بتعاكس مين قولى ياسيدى واحده ؟ انا خايف فيه اكتر مصطفى تيسير مواعيدي انا ديما مظبوطه و بجيلك ديما بالمللي انت اللي ساعاتك مربوطه و تملي تزعق ما تخلي Awny Hesham مواعيدك مكتوبه ع الحيطه بتبشيره. تغيرها تملى بتزعق وبتعمل زيطه وبتعارك نفسك ليه قول لى مصطفى تيسير انا ياما استنيتك ياما و انتي بتتحجج باصحابك و بقولك مع الف سلامه انا هخرج ى انت اقفل بابك Awny Hesham اصحابى انت ف اولهم بتغالط نفسك ليه تانى الباقى اكيد سيبك منهم انا والخال ياما بنعانى ========= كل الامنيات الطيبه لحضراتكم مع تحيات عونى هشام ومصطفى تيسير ربما تحتوي الصورة على: ‏‏‏٢‏ شخصان‏، و‏‏‏سيلفي‏ و‏لقطة قريبة‏‏‏‏

***********************

***********************