لفيت بيوت البلد ماسيبت فيهم دار
شكيت لرب السماء الواحد القهار
قالوا لي إيه المشكلة
طلبت حسن جوار
قالوا لي يامعلمه
كل البلاد كده
هوه إنت مش من هنا
ولا البعيد دا حمار
واللى يقول ياجدع
بطل بقى النفخة ع الفاضى
كل البشر راضى
ولا إنت فاضى بطل بقى تأنيب
ولا يقول دا ديب
ملوهوشى حد حبيب
واللى تقول دا شاعر
بيروج الأكاذيب
واللى يقول معتوة
واللى يقول مخبول
محتاج يروح على طول
لسراية المجازيب
اللى ماعينى رأت
واحد يكون عاقل
يقول ما يستاهل
والكلام ده عيب
طلعت فوق الجبل
اشكى لرب الكون
قالوا بقى مجنون
شكيت لرب السماء
وقولت له يامغيث
الناس أصابها الخبل
ولا الخلل فيا
نزلت دموع عنيا
من قله التنفيس
البيت صبح ولا قهوه الروبى
وإن قولت كلمه غلط
ح يقطعوا توبى
ولا مرة شوفت غفير
ولا حتى دوريه
ولا يعلموا إيه جرى
من شباب طايش
ساب المعايش
وهمه ف التحشيش
وعشان أنا ف حالى
مشغول ب أكل العيش
قالوا دا واد درويش
وتمللى ب يخرف واللى يقرف
واحد منهم كنت أحسبه موزون
وقف وقام قالهم إحنا نجمع بعضنا
نكتب شكاوى ب إسمنا ونقدمه للجيش والجيش أهو ماسك البلد
خللى الولد يتهد ويبطل لك ع الفاضى والمليان
قالوا كلام تمام وياسلام لو معانا حد لكن يكون واصل قال أهوه ده الحاصل
أنا عندى واحدة معرفه
واسمها فايزه كات واحدة جايزة
من وزيرة الإعلام واترشحت مرتين
غيرشى بس الغش
وحكومة هابله مش عايزة غير أوراق هيقطعوه أشلاء ويعملوا له قضيه مخلة بالشرف أونحطلوا كام مجله م اللى انتوا عارفينهم أو لفتين بانجو ف شقته نعينهم
ونطلب بسرعه البوليس يجى يعاينهم والأمر دا مضمون والرك ع التنفيذ قام رد عبد العزيز قال ياجماعه حرام الراجل دا محترم
ما ظلمشى حد فى يوم
قالوا له بطل بقى شكلك كده منهم
أنا اللى فاهمهم دول صنف واطى خسيس
سكت الجدع وعيونه ب تدمع
وقالهم فيها إيه إنه ب يمشى متأمع وملابسه متهندمه وحذاؤه متلمع يخلينا نتجمع عليه هوه ب يطلب إيه ماهو زيه زى الناس
لا عمره مرة افترى ومع الجميع حساس ولا داس لحد ف طرف
بلاش ف شغل القرف والعهر والأفلام
سعيد عباس الضو
الجزء الاول
شكيت لرب السماء الواحد القهار
قالوا لي إيه المشكلة
طلبت حسن جوار
قالوا لي يامعلمه
كل البلاد كده
هوه إنت مش من هنا
ولا البعيد دا حمار
واللى يقول ياجدع
بطل بقى النفخة ع الفاضى
كل البشر راضى
ولا إنت فاضى بطل بقى تأنيب
ولا يقول دا ديب
ملوهوشى حد حبيب
واللى تقول دا شاعر
بيروج الأكاذيب
واللى يقول معتوة
واللى يقول مخبول
محتاج يروح على طول
لسراية المجازيب
اللى ماعينى رأت
واحد يكون عاقل
يقول ما يستاهل
والكلام ده عيب
طلعت فوق الجبل
اشكى لرب الكون
قالوا بقى مجنون
شكيت لرب السماء
وقولت له يامغيث
الناس أصابها الخبل
ولا الخلل فيا
نزلت دموع عنيا
من قله التنفيس
البيت صبح ولا قهوه الروبى
وإن قولت كلمه غلط
ح يقطعوا توبى
ولا مرة شوفت غفير
ولا حتى دوريه
ولا يعلموا إيه جرى
من شباب طايش
ساب المعايش
وهمه ف التحشيش
وعشان أنا ف حالى
مشغول ب أكل العيش
قالوا دا واد درويش
وتمللى ب يخرف واللى يقرف
واحد منهم كنت أحسبه موزون
وقف وقام قالهم إحنا نجمع بعضنا
نكتب شكاوى ب إسمنا ونقدمه للجيش والجيش أهو ماسك البلد
خللى الولد يتهد ويبطل لك ع الفاضى والمليان
قالوا كلام تمام وياسلام لو معانا حد لكن يكون واصل قال أهوه ده الحاصل
أنا عندى واحدة معرفه
واسمها فايزه كات واحدة جايزة
من وزيرة الإعلام واترشحت مرتين
غيرشى بس الغش
وحكومة هابله مش عايزة غير أوراق هيقطعوه أشلاء ويعملوا له قضيه مخلة بالشرف أونحطلوا كام مجله م اللى انتوا عارفينهم أو لفتين بانجو ف شقته نعينهم
ونطلب بسرعه البوليس يجى يعاينهم والأمر دا مضمون والرك ع التنفيذ قام رد عبد العزيز قال ياجماعه حرام الراجل دا محترم
ما ظلمشى حد فى يوم
قالوا له بطل بقى شكلك كده منهم
أنا اللى فاهمهم دول صنف واطى خسيس
سكت الجدع وعيونه ب تدمع
وقالهم فيها إيه إنه ب يمشى متأمع وملابسه متهندمه وحذاؤه متلمع يخلينا نتجمع عليه هوه ب يطلب إيه ماهو زيه زى الناس
لا عمره مرة افترى ومع الجميع حساس ولا داس لحد ف طرف
بلاش ف شغل القرف والعهر والأفلام
سعيد عباس الضو
الجزء الاول
***********************
***********************
ليست هناك تعليقات:
إرسال تعليق