غنايا ليه بيتحول عديد بشويش ؟!!
وليه الروح بقت مرتع لإبن الليل ؛
وللمخصي ؛وحافي الذمة ؛وكلاب السكك ؛والزعر !!
مفيش ف الموت ؛ طرق سهله
مفيش ف الموت ؛ قرار صايب
وكل نيشان ؛ من العين الجبانة أكيد مهوش صايب
وإيه يكسر عيون الحر غير الدين
وإيه يحني رقاب الخلق غير الذعر
أنا البلبل ؛ طليق القول ..
صبوح القلب ؛ بتعايب على طيبتي
ومين ف الدنيا خاب خيبتي ؛
وخاف ع الشمس خباها ف نني العين ..
وعاش أعمى ؛
جهنم ف الضلوع واكله الرئة ؛والكبد
و ع الأعداء سلام ؛ باردة
ف يا بنت النهار ؛ يا رحمة من غير لين
أنا سايق عليكي الضله ..
في -صيف زمهارير- تحميني من نفسي
ماتبقيش حمل ..
فوق الحمل تتنافسي ؛ على كسر الضعيف فيا
وبصي ف العيون ؛ يمكن تشوفي الصدق جواها
ما بين الأم والداية ..
وليد الحزن جراية الدموع ف عينيه
وعيل شال على كتفه ..
الحنين قبل السنين ما تعد كف الأيد
وشاب ؛ بيخطف الحصه من الأستاذ
ويهرب ؛ قبل آخر الشهر
وراجل حط كل الباقي من عمره لعمرك مهر
وبرمي الزهر و اتحنجل على سلك النصيب ؛ أراجوز
ساعات ؛ يضحك
ساعات ؛ يبكي
و ف الحالتين بينزف م الوجع ؛والقهر
ف بصي ف العيون يمكن تشوفي الصدق جواها
أنا البلبل ؛ طليق القول
بسيط أكتر من الدنيا ؛و عرف الديك
تقول لي "السيدة" يا حلو مين يعاديك
سعيت ع الرزق ف بلاد النبي "موسى"
نده لي "الخضر" خطيت له الجبل ؛والبحر
"غريب" تاني ؛ ف أرض بتفهم النكسة ف عين الناس
وتعرف مين ؛ هيجي الصبح يتحول .. شجر ؛وطيور
ما فهمتنيش ؛
دخلت ف قصرها المهجور ؛
طلعت السلم الخشبي اللي واكله السوس
و -دو ري مي-
يقول لي "الخضر" ؛ يا عيل ف جسم عجوز
وهو النور هيحتاج له قمر يحميه
يا سيدي ؛ويا حبيب القلب أنوراك ..
بقت محجوبة ؛ عن عيني
ومين ف الدنيا خاب خيبتي
وخاف ع الشمس خباها ف نني العين ..
وعاش أعمى
تعالى ف حلمي طمني ؛ ولو وهله
وجاوبني ..
غنايا ليه ؛ بيتحول عديد بشويش ؟!!
وليه الروح بقت مرتع لإبن الليل ؛
وللمخصي ؛وحافي الذمة ؛وكلاب السكك ؛والزعر !
مفيش ف الموت ؛ طرق سهلة
مفيش ف الموت ؛ قرار صايب
#علي_أبوالمجد
وليه الروح بقت مرتع لإبن الليل ؛
وللمخصي ؛وحافي الذمة ؛وكلاب السكك ؛والزعر !!
مفيش ف الموت ؛ طرق سهله
مفيش ف الموت ؛ قرار صايب
وكل نيشان ؛ من العين الجبانة أكيد مهوش صايب
وإيه يكسر عيون الحر غير الدين
وإيه يحني رقاب الخلق غير الذعر
أنا البلبل ؛ طليق القول ..
صبوح القلب ؛ بتعايب على طيبتي
ومين ف الدنيا خاب خيبتي ؛
وخاف ع الشمس خباها ف نني العين ..
وعاش أعمى ؛
جهنم ف الضلوع واكله الرئة ؛والكبد
و ع الأعداء سلام ؛ باردة
ف يا بنت النهار ؛ يا رحمة من غير لين
أنا سايق عليكي الضله ..
في -صيف زمهارير- تحميني من نفسي
ماتبقيش حمل ..
فوق الحمل تتنافسي ؛ على كسر الضعيف فيا
وبصي ف العيون ؛ يمكن تشوفي الصدق جواها
ما بين الأم والداية ..
وليد الحزن جراية الدموع ف عينيه
وعيل شال على كتفه ..
الحنين قبل السنين ما تعد كف الأيد
وشاب ؛ بيخطف الحصه من الأستاذ
ويهرب ؛ قبل آخر الشهر
وراجل حط كل الباقي من عمره لعمرك مهر
وبرمي الزهر و اتحنجل على سلك النصيب ؛ أراجوز
ساعات ؛ يضحك
ساعات ؛ يبكي
و ف الحالتين بينزف م الوجع ؛والقهر
ف بصي ف العيون يمكن تشوفي الصدق جواها
أنا البلبل ؛ طليق القول
بسيط أكتر من الدنيا ؛و عرف الديك
تقول لي "السيدة" يا حلو مين يعاديك
سعيت ع الرزق ف بلاد النبي "موسى"
نده لي "الخضر" خطيت له الجبل ؛والبحر
"غريب" تاني ؛ ف أرض بتفهم النكسة ف عين الناس
وتعرف مين ؛ هيجي الصبح يتحول .. شجر ؛وطيور
ما فهمتنيش ؛
دخلت ف قصرها المهجور ؛
طلعت السلم الخشبي اللي واكله السوس
و -دو ري مي-
يقول لي "الخضر" ؛ يا عيل ف جسم عجوز
وهو النور هيحتاج له قمر يحميه
يا سيدي ؛ويا حبيب القلب أنوراك ..
بقت محجوبة ؛ عن عيني
ومين ف الدنيا خاب خيبتي
وخاف ع الشمس خباها ف نني العين ..
وعاش أعمى
تعالى ف حلمي طمني ؛ ولو وهله
وجاوبني ..
غنايا ليه ؛ بيتحول عديد بشويش ؟!!
وليه الروح بقت مرتع لإبن الليل ؛
وللمخصي ؛وحافي الذمة ؛وكلاب السكك ؛والزعر !
مفيش ف الموت ؛ طرق سهلة
مفيش ف الموت ؛ قرار صايب
#علي_أبوالمجد
***********************
***********************
ليست هناك تعليقات:
إرسال تعليق