خاص وفردي| بقلم| عز الدين الحميري| عزف الأقلام

ياسهيل خبر وليف الروح عندي
غفت عينه وماظل عندي كلام
يارياح الشوق سيري له وشدي
نبضات من القلب تتبعها سلام
مدري جفن عينه يجاكر ولا ضدي
عسى يوصل عتابي له بالمنام
ياقطرات الحنين خفي وهدي
لو وليف القلب حاضر أشغل الغرام
حطيت راسي بين ذراعي وزندي
ولفيته بأيدي وتخيلت صباك والهيام
شبيه اللي تاه بصحرا والفكر يودي
معقول يدل طريقه ويرجع بسلام
ناشدت عينها وقلت لها هالصوب صدي
ودقيت باب القلب برقة وهدا ووئام
ياريم الغلا والحلى صبا جمالك يغذي
حرفي ومعاني أبياتي ونورك يبدد الظلام
في مجلس خلي يفوح عطر زاهي ووردي
يعطر شذاه الروح والحشا دووم بإضرام
يابسات العروق ترتوي وسواقيها تعدي
من قطرات تهل منك والحال كله انعام
المنى أواكب غفوت عينك وتكون حدي
أحرسك وأداريك وهذا الحال يظل مستدام
عود عينك تساهرني ومنها يروح تعبي وكدي
محتاج راحة وهدا يزيح التعب والزحام
يادفا احساسي وجمرات غلاك تزيح بردي
وغيابك شبه حرارة الشمس وقت الصيام
وش تريد أوصف بعد والخال صار يهذي
غاب الهامك عني وتلعثم الحرف والكلام
ياليتك تشوف الحال وهذا خاص وفردي
من الحشا طلع صوت كنه هديل الحمام
العين والقلب غفت والإيد تكتب سردي
هذا اللي يتكرر كل يوم ويظل مستدام
عنوان قصيدي انت اللي تحدده وقصدي
تفهم كلامي وتحس بيه ولاهو لك لزام
@عزالدين الحميري@

***********************

***********************