كتر الملامة...... شعر بالعامية| سميحه الفقى

من كتر الملامة اتبني
بيني وبين الاحبة جدار
قالوا العوازل حبيك غدار
بيلوف علي الجمال
قلت انا حمال شايل جمايله
واللي يتقال يتقال
وقف معايا في الشدة
والحق ينقال
ده الأصيل يرخي الغلط
للحبيب ويسأله ألف سؤال
غلطت في ليه وليه اتغير
الحال
يعرف الأسباب ويوارب
الباب يمكن دخل الشيطان
بينا و العين صابتنا
كثرو الحساد حوالبنا
كبر الجدار من كثر الملامة
وارتاحت العزال
مصير الحب يرجع
ولوم العوازل يسكت
ويسقط الجدار ما هو
الزمان دوار 

***********************

***********************