بتهزري .... | بقلم | مجدي مسعد حنفي

بتهزري ....
عايزانا نرجع زي زمان
تبيعي فيا وتشتري
عايزانا نبدأ من جديد
لوحدك انتي تقرري
اكيد .. اكيد بتهزري
ءءءءءءءءءءءءءءءءء
مش قادره برضك تفهمي
إنك خلاص ماضي انتهى
ومعادش ينفع ترسمي
ودي قلبي قالها وقلتها
انسيني واوعك تحلمي
من تاني ممكن تامري
ءءءءءءءءءءءءءءءءءء
مليت غرورك من زمان
وبايدي صورتك شلتها
مكانش ينفع مهما كان
ادوس كرامتي واذلها
وادي النهارده الفرق بان
جايالي ... انتي تدوري

مجدي مسعد حنفي

***********************

***********************