الشاعر حسن محمد خليل شهر رمضان شهر عبادة

أصحوا وفوقوا ياسادة
شهر رمضان شهر عبادة
مش موائد وعزومات
وفرجة على مسلسلات
ولعب ولهو وحكايات
وسهر بزيادة
شهررمضان بالخير مليان
صوم وصلاة وأحسان
وذكاة وألفة وقراءة قرآن
وراحة للجسم وإيفادة
حولين بعضينا ملمومين
بنفطر مع بعض فرحانين
ونروج الجامع مصليين
التراويح على السجادة
شهر رمضان فيه فقير
محتاج لنا كتير نصدق ونزكى
ونكتر فى أعمال الخير
ونخليها عادة
شهر رمضان فيه ليلة قدر
ليلة بألف شهر
فيها دعاء حتى طلوع الفجر
يارب أجعل لنا الأستجابة
شهر رمضان فيه يتيم
محتاج نضمه
ونعوضه حنان أبوه وأمه
ونفرحه بالعيد ونلبسه
ونشيل همه
وندخل فى قلبه السعادة

المهندس
حسن محمد خليل

أعجبني

تعليق

***********************

***********************