كتبت - عبير التميمي
استشهد البطل أحمد فؤاد حسن دفاعا عن مصر الحبيبة وشعبها العزيز وقد عثر على رسالة معه كتبها إلى أمه قال فيها :
( السلام عليكم ورحمة الله وبركاته ..
إزيك يا أمي ....
عاملة إيه ....
لو قدر ليكي تشوفي رسالتي دا معناه إنى استشهدت وأن أصحابي لقوها في جيب الأفرول بتاعي...
زى ما أبويا قرر يدخلني الجيش بعد الثورة وخرجت منه ملازم قد الدنيا كان لازم أحمي أم الدنيا وعلشان كده بصراحة أنا اللي كان عندى إصرار إنى أروح أخدم في سيناء...
قولي يا حاجة لأحمد أخويا إن فيه حرب بجد فيها سلاح ثقيل وفيها أسلحة متطورة وفيه أعداء منهم ناس بتضحك في وشنا الصبح ولما الليل ييجي ويبدأ ضرب النار ونرد عليهم بنروح نشوف اللي مات ونلاقي جثة لواحد كان الصبح بيفطر معانا...
لما تشوفي جثتي يا أمى إوعى تبكي أو تضعفي...
عايزك تقولي لكل الدنيا وأنتِ لابسة أبيض في أبيض إنك أم الشهيد وأم البطل
وعايز أقول لشعب مصر ماتخافوش....
إحنا واقفين ناخد الرصاصة في صدرنا بدالكم.
عندما زار القائد العام الفريق صدقي صبحي مع رئيس الأركان الفريق محمود حجازي كتبية البطل الشهيد وأثناء تناول الغداء سأل الفريق صبحي عن أحد الجنود تم تكريمه منذ شهور بسبب تضحيته في الدفاع عن زملائه وهو البطل أحمد فؤاد حسن أخبروه بأنه استشهد فلم يكمل طعامه وأمر بمقابلة أهله فور رجوعه للقاهرة.
***********************
***********************
ليست هناك تعليقات:
إرسال تعليق