الليل طويل | بقلم | الحاج يوسف أبويوسف

الليل طويل
والألم صعب
والوحده سيف
بيقطع الأوصال
سهران لوحدى
ومالى حبيب يسامرنى
نفسي أتوب
عن الحب
وأنسااااااااااااه
الفكر تاه وياه
حنين شوق لهيب
ومافيش طبيب
يداوى القلب
يا رب… ما تحببنى
فى الناس الملاح تانى
يا رب ما ترجعنى أعشق
الضحكة إلى وخدانى
وأدوب فيها
يارب تسعدها
وتبعدها
عن بالى
لحظه مانام
عشان الحلم بيصحينى
أسهر أنا وحدانى
مشغول أنا بيها
وهى نسيانى
نفسي أفهم هو الحب
عندها كلمه
بتتقال
ولا موال بيتغنى
ولا حلم بشوق
مسيره يتحقق
وأدينى بأستنى
الحلم والواقع
مع إن ليلى طويل
وشوقى مابيرحمش
واللى شغلانى بتنام
وانا كتييير مابنامش
ياحلم ليلة صيف
إمتى يحل الضيف
حبيب القلب
ينام فى احضانى
ويبقى ف حياتى علم
يارب بأتمنى أشوفها
حتى ولو ف الحلم

***********************

***********************