مجرد حكايه
----------------
لو انت المعادله
أنا المفترض،
وانا السبحه لما
بتقعد تسبح،
وعمري ما ح اصبح
كمالة عدد
د انا النظره مني،
بتصبح مدد
وضحكة عيوني..
بتبعت إشاره،
وانا النجمه طالعه
ف ضلمة ليالي،
ونورها بيغسل
عيون السهاري
وانا النسمه تيجي
ف صهد المواجع
تهفهف وتنعش
قلوب الحياري،
وانا ف وقت حزنك
وتعبك وهمك..
ب اكون حضن أمك
واكون البشاره،
واكونلك ف توهتك
صلاة استخاره..
تحدد عليها الطريق اللي رايحه
مابين ورد حبي
وزهوره وروايحه،
ولو قلبي راحلك وعادلي بجرحه
غرامك ف قلبي اكيد يترفض
وعمري ما ح اصبح..
كمالة عدد.
#kout_elkloub........................
***********************
***********************
ليست هناك تعليقات:
إرسال تعليق