على رأي المثل
(إن كان حبيبك عسل ما تلحسوش كُله)
لو جار عليك الزمن
ما تخيبش يوم ظنه
د الجدع ف الضيق
يبان معدنه وضله
واللي خدته حبيب
ما تزودش يوم همه
اصل الجدعنه وراثه
والأصل سارح في دمه
مش كل ضحكه صافيه
ولا كل قلب بيسمّي
د الجدع وقت الشدايد
يبيع عمره ولا يهمه
الاصل مش كلمه تتقال
الاصيل ساعة المحن بيبان
ف الشده بركان غضب
ف الطيبه بحر حنان
لا يوم يجور عليك
ولا يهون عليه دمه
سيد منير عطيه
***********************
***********************
ليست هناك تعليقات:
إرسال تعليق