مش سهل عليك
ولا صعب علية
لاكن مش هى الحسبة
ولا هى النسبة
ولاهى الخلطة
الغلطة سراب
وكتاب مافيهوش
ولا سطر مريب
متعودناش
انا وانت نسيب الدق يتوة
والنبض يشيب
ما تعلمناش
ان احنا نغيب عن وعى الكون
ما تستسلمناش لعيون الخوف
بنشوف بصحيح
لاكن بناكد ع التوضيح
ونلم الدور
انا وانت النور
اللى ما يطفيش
هنعيش ونموت
داخل ملكوت
العيش والملح
هيطيب الجرح بحبة ود
هنمد فنار الحب لفوق
وهنزوع جوة قلوبنا شروق
ونفوق م الاه
الله على روحك
الله على بوحك
وانت ملامحك حاضنة الصبر
الصدر براح
والود جناح كل المشاوير
من غير ما نبوح
شوقك مفتوح
وانا شوقى صباح
انا بيك ملاح
وانت المفتاح لصفا الايام
جوة الاحلام
بالقاك انسان مليان تقدير
عصافير الخيربتزقزق فيك
خطاويك بتلملم فى المسافات
حكايات بتبات تتبسم فيك
وعبير معانيك
فى عنيك فواح
شوقك سواح
فى حروف شايلاك
فى حبابى العين
طالعين جواك
نازلين جواك
ومعاك بنلاقى الهم انزاح
مش سهل عليك
ولا صعب علية
مش ناقصة يا صاحبى
عذاب وجراح
***********************
***********************
ليست هناك تعليقات:
إرسال تعليق