أمى
لقيت الدنيا من بعدك
بقت ضلمه
قلوب قاسيه عليا كتير
وناس ظلمه
من يوم القمر ما غاب
وتاه عنى رنين الباب
وانا محتار عشان محروم
من الغاليه اللي ربتنى
علي المبدأ وعالكلمه
وصوت فيروز يبكينى
عشان حبك لصوت فيروز
عشقت الفن من صغري
علي ايديكى كأنه كنوز
ونضحك لما اكون محتاج
عشان هاخرج واتفسح
باكون عامل كما القطه
وجي حواليكى واتمسح
تبصي لي بطرف العين
يافهمانى .. الاقي الضحكه
من قلبك علي ودانى
عاوز كام ؟ ياواد انطق
اقوم اضحك اقول عادي
وابوس ايدك وابوس راسك
واتعطر بانفاسك
انا ياحبيبتى من بعدك
حزين تايه ف ليل عتمه
والاقي الدنيا من غيرك
بقت ضلمه
ــــــــــــــــــــــــــــــــــــــــــــ
اللهم ارحم امهاتنا جميعا
***********************
***********************
ليست هناك تعليقات:
إرسال تعليق