لو كان دا كابوس صحيني
إحميني يارب بضيع
الدمع نازل من عيني
والجرح فرض مواضيع
اللون باهت مش واضح
معقول من ليلة إمبارح
سايبيني لوحدي اكافح
والناس بتخون وتبيع
في الآه تاهت أحلامي
والهم دا طبعه وضيع
حسيت بالخوف في منامي
سلمت الحلم رضيع
مش شايف شيء ملموس
الظاهر إنه كابوس
عمال على صدري يدوس
عن موتي خلاص ح يذيع
الصرخة كمان مكتومة
إحساس في القلب فظيع
وكإن الإيد مشلولة
والجسم في حاله وديع
أوهام دي ولا حقيقة
حاسس جوايآ حريقة
والله دي تبقى مصيبة
لو في الاحلام تقطيع
لوكان دا كابوس صحيني
احميني يارب بضيع
***********************
***********************
ليست هناك تعليقات:
إرسال تعليق