اميرة حياتى
حبيبك عشانك
بيسهر ليلاتي
ويزرع ف وردة
لجنابك وتطرح
في حلم الصبايا
واحكي معاها
وتحكي معايا
فعذرا لبعدي
لثواني حبيبتي
وعذرا لاني
باحب السكات
سكاتي محادثة
مابينا بتجمع
كلام الاحبة
ولاد مع بنات
في صمتي باشوفك
واملي عنيا
وتوعدني عينك
بكل الوعود
في صمتي كلامي
بيبقي استحالة
يكون بالحروف
وانتي النجيبة
اللي فاهمة كلامي
وانتي الحبيبة
اللي ضد الظروف
حبيبة حياتي
وقلبي اللي حاضن
معاني السعادة
بحبك وحبك
في توب العبادة
واصبح لقاكي
مع القلب عادة
مع الفجر عادة
مع الضهر حبك
بيكبر ويكبر.
مع لفرح يكبر
مع الحزن يكبر.
ويكبر زيادة
لأني بحبك وحبك
وريدي
ومهما تقولي
في بعدي وتعيدي
ومهما تحسي
ساعات الفراق
هاعود لك ف لحظة
تجلي حنيني
وثورة بتخمد ف نار
الاشتياق
واقدم فروضي
محبة وصداق
واقدم دليلي
بصك الوفاء
واعود لك واخاطر
ولو ليا خاطر
تسامحي حبيبك
وتنسي العتاب
ولحن البعاد
اللي دايب مابينا
يغني لوصالنا
في لحن الشباب
بحبك وراجع
وناسي المواجع
تغيب الاماني
يغيب حد تاني
تغيب عني روحي
وحبك ماغاب
من ديوان * رسايل حب *
***********************
***********************
ليست هناك تعليقات:
إرسال تعليق