الحياة تشبه لمسرح
كل يوم منصوب فى مطرح
والبطل شغال يجسد
كل ليلة الف لون
مره كوميدى ومره ميلو
مره بورنو لجل جيلو
راحلوا ساعة قوم يجيلو
والسيناريو
كله مكتوب بالرصاص
والرواية هى هى
مرة ترويضه لنمرة
ومرة تاجر بندقية
ليلة بيكسر فى بندق
ليلة حلاق إشبيلية
الخلاصة
مسرحية رتيبة جدا
شافها قبلك الف جيل
كل جيل سقف عليها
وانت لسه بتحيا فيها
تقول جديدة
تقول سعيدة
تقول شديدة
تقول بعيدة
او محال
تنطبق مرة ف خيالك
وأنت فيها تادى دورك
اللى مكتوب لك كتابة
بس مش مسموح تغير
اى كلمة او علامة
او ف ليلة تبتكر
عيش حياتك وافتكر
أنت مهما كبرت
كوورس
مهما حتى عملت
حورس
هى أدوار مكتوبالك
اوعى مرة يفوق خيالك
او فى ليلة تعترض
أنت اصلا منقرض
واللى ليك حبة فصول
فصل دايخ
فصل بايخ
والستارة خلاص هتقفل
أنتظر دورك فى سقفة
او فى لعنة تصيب حياءك
بس خدها نصيحة منى
مهما كان دورك صغير
انحنى بس بضمير
تلقى جمهورك يسقف
انحناءة وحيدة منك
بيها يتغير مصير
***********************
***********************
ليست هناك تعليقات:
إرسال تعليق