تكريم الشاعر احمد عيسى البراهيمي على اجمل نص/ اعداد وتقديم الاديبة عايدة بن عزوز

أسعد الله مساءكم...
أسرة جمعية رابطة عزف الأقلام العربية
يسعدني اليوم تكريم أحمد عيسى البراهمي
عن أجمل نص :

حكاية شاب
تسمحولي بكلمتين
عايز اقولهم للبلد

وهاكون جرئ حبتين
حتي لو ضهري ينجلد

هاحكي حكاية شاب زين
من يوم وساعة    ماتولد

وامه بتمن علي ابوه
انا اللي جبت لك ولد

دارو الخبر اوعو تذعوه
خايفه علي ابني م الحسد

ف احسن مدارس علموه
وكان الاول ف العدد

فرحوا وقالوا وظفوه
يكون لنا ضهر وسند

لف المكاتب ما قبلوه
ما فقدش يوم
 صبر وجلد

قالوا
 وكان كل اللي قالوه
الوسطه
 احسن مستند

وعايزين  حديث
تخرج  يعينوه
 وخبرة سنين ملهاش
عدد

حجز مكانه ع القهاوي
جنب ابن عمه
 وجنب اخوه
واسمه ف كشف البطاله
معتمد

                 بقلمي /احمد عيسى البراهمي

***********************

***********************