لله يا المسؤول شوف شي حل
شهد ارجع قطران مابقي فيه ذوق العسل
البطالة قطارها تعطب وفشل
شوف الجتات همدة مرمية فساحل
شوف علاش الحمام هجر وتساءل
ا لميمة ..........?
لفراق وقتوا وصل
مقديت نخالف وعدي ولا نأجل
فبلادي مالقيت اش نعمل
المخطط الأخضر فات و الورد فتح وذبل
البطالة والأزمة مرضها علل
الموت فالبحر عندي أفضل
جت هامدة نخرج لساحل
وطني سمح فيا ولحقوقي همل
لا خدمة لا ظروف معشية لا شغل
جامد الوهم معشش واغل
بغينا تغير
تمنيت تكون المساوت بلا تحقير
زدونا الجوع والمبالات وتفقير
هذا الحلم ما عرفت لوا تفسير
ألف محضر وتقرير
نفضل نموت فالقوارب خير
نكون تغدية للحوت وبخير
ا لميمة ........?
بلادي طحنتني أرجعت عصير
شجعونا على موبيقات وتخدير
حتى اللغة العربية درجوها ب بغرير
......بقلم عادل الغيوان. ......
***********************
***********************
ليست هناك تعليقات:
إرسال تعليق