ميت يموت تانى
لأول مرة أشوف ميت يموت تانى
وقلت خلاص قضا ومكتوب
ونا مت فّي احزانى
وفجأة لقيته قدامى
وروحه لروحى وخدانى
لمست إيديه ومستغرب
حرارة إيده حرقانى
شعاع بيبص من عينه
شعاع لامع وربانى
أخدنى الخوف وقلت
الشعر جنّنى وسوّانى
همست في ودنه كام كلمة
غريبة !ودانه سمعانى
وقام يحكى وسمّعنى
كلامه الحلو من تانى
بإذن الله صحى الميت
وقال لى الشعر صحّانى
دخلت ضلوعه من شوقى
وقتل لروحه وحشانى
ضحك ودخل في غيبوبة
صرخت وقلت مات تانى!
محمد ناجى حبيشة
***********************
***********************
ليست هناك تعليقات:
إرسال تعليق