أخويا
أبن أمى
وأبويا
لك ألف تحيه
ولك الف سلام
أنت وبقيت الجدعان
على خط النار
النهارده السبت
سته أكتوبر
عشره من رمضان
سمعنا من راديو
حسين البقال
أحلى بيان.
عبرت قواتنا
شرق القنال
وخط بارليف أتحطم
وكأنه ماكان
وأبطالنا دخلوا سيناء
وعليها رفعوا الأعلام
والناس.
فى بلدنا من الفرحه
مش قادره تنام
واقفه بتبارك وتهنى
وبتاخد بعضها
بالأحضان
بتابع نشرات
الأخبار
أمك.
عمال بطال
بتزغرد
وبتدعيلك
انت وبقيت الأبطال
وتقول للناس
ابنى النهارده
أخد بالتار
لأبن أخويا
عبد الرحمن
والواد جرجس
ابن حنين البقال
ومراتك إحسان.
حضرت الليله حدانا
رغم أنها كانت
ماشيه زعلانه
قالت عنك
راجل والله ياأبو جمال
ياريتنى كنت وياك
حتى أسقى ميه
ليك واللى معاك
أم أنا.
أوصيك ياسلامه
ماتخافش على الزرعه
ولا البهيمات
ولا أمك ولا مراتك
ولا ولدك
ولاأختك شربات
أقتل.
اضرب.
ربنا وياك
ربنا وياك
***********************
***********************
ليست هناك تعليقات:
إرسال تعليق