حتى النسيم وقت العبور
وشوش وقال للودع
صوت الجحيم جوه الصدور
خربش ودان الجدع
قبل الغروب رص الكلام
فاضل يادوب بس التمام
ونسور هتعزف السلام
ووحوش هتبدر الفزع
شكل اللئيم جوه الجحور
م الخوف هيفقد السمع
حتى اللهيب فوق الجسور
بيقول خلاص مات الجشع
مش هنسى يوم بحر البقر
إبني اللي مات تحت الحجر
اليوم هنفرض ع الغجر
رقص المآاسي في الوسع
بارليف ده سطر من السطور
والمستحيل حبلة إتقطع
قدمنا ليه كل المهور
حتى العريس قلبة إتمزع
شوف كام شهيد لجل البلد
بعد أما مات إبنه إتولد
اليوم خلاص راح يتجلد
كل اللي شارك في الوجع
حكايات كتير جوه القبور
مهر العروسة إتدفع
بس المهم إن الغرور
بقى طفل محتاج الدلع
همس الجنود خلاه يعوم
جوه الدموع من غير هدوم
واليوم خلاص كلمة هموم
والذل على وشه إتطبع
حتي النسيم وقت العبور
وشوش وقال للودع
***********************
***********************
ليست هناك تعليقات:
إرسال تعليق