(دينكم ايه) | عزف الأقلام
كل الدم المصري حرام
ياللي بتفتي باي كلام
ابعد عنا وسيبنا لحالنا
احنا ما بينا ياعم غرام
ولا هنسيبك تدخل بينا
ولا هتخلي ما بينا خصام
ليه بتحاول تقتل فينا
ويموت احمد ومعاه مينا
بالقنبله او حتي حزام
ليه بتهد كنيسه وجامع
عايز اعرف ايه الدافع
عمر ما كنت سيادتك نافع
دايما عايش في الاوهام
ليه بتفجر نفسك فينا
ليه بالكفر انت بترمينا
ابعد عنا وسيب اراضينا
احنانحب نعيش في سلام
كل الدم المصري حرام
لما هترسم مصر تلاقي
قلب كبير ومعاه جناحين
لو هيحطو القلب في زنقه
يبقي نموت احنا الاتنين
مصر بلدنا بتعيش فينا
جوا القلب وجوا العين
ناكل نشرب مع بعضينا
ولا بيفرق بينا الدين
*********************************
ليه بتدافعو عن الكفار
عايزين تخربو لينا الدار
تقتلو فينا باسم الدين
وانتم اصل كلاب النار
ليه القتل لواحد اعزل
كان بيصلي او يتعبد
كان في كنيسه رافع ايده
او بيسبح جوا المسجد
او كان يبكي جنب جدار
ليه بتحسو انكم شطار
او بتقولو انكم احرار
ابليس دايما يستعبدكم
تسمعو صوته تهدو الدار
مصر عظيمه وشعبها جيش
ولا بتخاف من اي حمار
***********************
***********************
ليست هناك تعليقات:
إرسال تعليق